Daşkəsən rayonunda iki nəfərin xəsarət alması ilə nəticələnən yol-nəqliyyat hadisəsi baş verib. Bu barədə Fövqəladə Hallar Nazirliyinin saytında yer alan xəbərə görə, "Qaz-24" markalı minik avtomobili yoldan çıxaraq qəzaya uğrayıb.

Nəticədə, avtomobilin salon hissəsi yanıb, avtomobilin sahibi Q.Zeynalov və avtomobildə olan sərnişin müxtəlif dərəcəli bədən xəsarətləri ilə vətəndaşlar tərəfindən Daşkəsən mərkəzi rayon xəstəxanasına aparılıb. Avtomobilin qalan hissəsi və meşə zolağı yanğından mühafizə olunub.

Yanğın saat 13:25-də yanğınsöndürənlər tərəfindən söndürülüb. anspress