Rusiya Milli Antiterror komitəsinin yaydığı məlumata görə, Dağıstanda Xasavyurt terror qruplaşmasının başçısı “Əbu Ömər” ləqəbli İbrahim Muhuçev zərərsizləşdirilib. Komitənin rəsmi nümayəndəsi Nikolyay Sinsovun sözlərinə görə, Xasavyurtun Qroznensk mikrorayonunda hüquq mühafizə orqanları Muhuçevin olduğu evi mühasirəyə alıb. Qruplaşma başçısı təslim olmayaraq polisin mühasirəsini yarmaq istərkən isə qarşı tərəfin açdığı atəş nəticəsində ölüb. Əməliyyat vaxtı Muhuçevlə mülki nikahda olan arvadı da öldürülüb.