Ötən gecə Dağıstanın Serqokalinsk rayonunun daxili işlər idarəsinin rəisi güləllənib. Bu barədə “Rian Novosti” agentliyi Dağıstanın istintaq komtitəsinin rəhbəri Alxas Əmirxanova istinadən məlumat yayıb. Hadisə yerli vaxtla saat 23.25-də daxili işlər idarəsinin rəisi Nasrulla Maqomedovun yaşadığı evin qarşısında baş verib. Naməlum silahlılar onu evinin qarşısında atəşə tutublar. Nəticədə Nasrulu Maqomedov hadisə yerində ölüb. Onun peşə fəaliyyətinə görə öldürüldüyü bildirilir.