Çilidə yüngül təyyarə qəzaya uğrayıb. Paytaxt Santyaqonun 100 kilometrliyində baş vermiş hadisə nəticəsində pilot və üç sərnişin həlak olub. Məlumatı yerli “Cooperativa” radiostansiyası yayıb.

“Mooney” tipli təyyarə Serena şəhərindən paytaxt Santyaqoya uçurmuş. Lakin Koçimba dərəsində qəzaya uğrayıb. Çili Hərbi Hava Qüvvələrinin xilasetmə xidməti təyyarənin gövdəsinin hissələrini və göyərtədə olmuş dörd nəfərin meyitlərini aşkarlayıb. Xilasedicilərin nümayəndəsi Rodriqo Sebalyos radiostansiyaya bildirib ki, Milli Aviasiya Komitəsinin ekspertləri yaxın üç gün ərzində hadisənin səbəblərini araşdıracaqlar.

Təyyarəni Çilidə şərab istehsalı texnologiyaları sahəsində tanınmış mütəxəssis Dieqo Qarsiya idarə edirmiş. ANSPRESS