Bakıda ölümlə nəticələnən yol-qəzası qeydə alınıb. Baş Dövlət Yol Polis İdarəsindən ANS PRESS-ə verilən məlumata görə, Qaradağ rayonu, Salyan şosesində saat 15.00 radələrində Bakı şəhəri istiqamətində hərəkət edən “Toyota” əks istiqamətdə hərəkət edən “BMW” markalı maşınla toqquşub.

Bakı şəhər Təcili və Təxirəsalınmaz Tibbi Yardım stansıyasından ANS PRESS-ə verilən məlumata görə, hadisə nəticəsində 1 nəfər ölüb, 1 nəfər isə üz nahiyəsindən yüngül xəsarət alıb. Ona elə hadisə yerində ilkin yardım göstərilib.

Hazırda hadisə yerində Baş Dövlət Yol Polis İdarəsi tərəfindən araşdırma aparılır.