Bu gün Bakının Binəqədi rayinunda Təmir-Tikinti İdarəsində baş vermiş partlayışda dağıntılar altında qalan şəxsin kimliyi müəyyənləşib. Binəqədi Rayon Polis İdarəsinin 4-cü Polis Bölməsindən ANS PRESS-ə verilən məlumata görə, bu, idarədə növbətçi işləyən 51 yaşlı Xoşbəxt Babayevdir.
Onun meyidi müayyinə olnumaq üçün ekispertizaya göndərilib.

Qeyd edək ki, bu gün Binəqədi qəsəbəsi, 3-cü mədən küçəsi, 119-cu korpus ünvanında ümumi sahəsi 255 kvadrat metr olan ikimərtəbəli binada yanğınla nəticələnən partlayış baş verib və partlayış nəticəsində binanın 75 faizi dağıntıya məruz qalıb, taxta materiallar 3 kvadratmetr sahədə yanıb.
Yanğın saat 06:00-da söndürülüb. ANSPRESS