Lerik rayonu ərazisində narkotika əkib-becərən şəxs yaxalanıb. Rayon Polis Şöbəsindən verilən məlumata görə, Lerik rayonunun Mastayır kəndinin yuxarı hissəsində, Homon deyilən ərazidə yaşayan 55 yaşlı Tofiq Ağayevə məxsus 7 hektar ərazidən 252 ədəd, çəkisi 7 kq 380 qram olan narkotik tərkibli marixuana ağacları götürülüb.

Daxili İşlər Nazirliyinin Baş Narkotiklərlə Mübarizə İdarəsinin Cənub Bölgəsində regional şöbə və Lerik rayon polis şöbəsinin əməkdaşlarının onun yaşadığı evə baxışı zamanı, 1 bağlamada 200 qram, həyətyanı sahəsində gizlətdiyi bankada çəkisi 11,24 qram olan narkotik tərkibli qurudulmuş marixuanaya bənzər kütlə aşkar edilərək götürülüb. Saxlanılan Tofiq Ağayev 5 uşaq atasıdır, əvvllər məhkumluq həyatı yaşayıb. Onun deməsinə görə, bu narkotik kolları o, özünün istifadəsi üçün əkib-becərib və kollara xüsusi qaydada qayğı göstərib.

Hazırda toplanmış materiallara görə Lerik rayon polis şöbəsinin istintaq bölməsində araşdırmalar aparılır. ANSPRESS