Qarabağ kanalının Bərdədən keçən hissəsindən meyit tapılıb. APA-nın Qarabağ bürosunun məlumatına görə, rayonun Mirzalıbəyli kəndi yaxınlığından aşkarlanan kişi meyitinin əynində Azərbaycan Ordusunun zabitinə məxsus hərbi geyim olub. Baş leytenant rütbəsində olan zabitin geyiminin üzərində qulluq etdiyi hərbi hissənin nömrəsi əks olunub. Hazırda Bərdə Rayon Prokurorluğunun və yerli polis şöbəsinin əməkdaşları meyitin şəxsiyyətinin müəyyən edilməsi üçün müvafiq tədbirlər həyata keçirirlər. Meyitin tapılması barədə sözügedən hərbi hissəyə də məlumat verilib. Meyitin Mingəçevir və yaxud da Yevlax şəhəri istiqamətindən axıb gəldiyi ehtimal olunur. Faktla bağlı araşdırmalar davam etdirilir. ANSPRESS