Bakıda insan alverçisi həbs olunub. Daxili İşlər Nazirliyinin mətbuat xidmətindən verilən məlumata görə, Nazirliyin İnsan Alverinə Qarşı Mübarizə İdarəsi əməkdaşlarının həyata keçirdikləri əməliyyat tədbirləri nəticəsində Bakı şəhərinin Nizami rayonu ərazisində kirayədə yaşayan Bərdə rayon sakini Kəmalə Yusifova saxlanılıb. O, gəlir əldə etmək məqsədi ilə qadınları fahişəliyə cəlb etməkdə və yaşadığı mənzildə əxlaqsızlıq yuvası təşkil etməkdə ittiham edilir.

Fakt üzrə cinayət işi başlanılıb, istintaq aparılır. ANSPRESS