Bu gün Bakının "Azadlıq" prospektində ağır yol qəzası baş verib. Hadisə nəticəsində 3 nəfər ölüb, bir avtomobil yanıb. Trend-in hadisə yerində olan əməkdaşının məlumatına görə, içərisində üç nəfər olan "VAZ-2106" markalı avtomobilin hərəkət edən zaman təkəri partlayıb və o BMW markalı avtomobillə toqquşub.

Toqquşma nəticəsində BMW markalı avtomobil "Range Rover" markalı avtomobillə toqquşub. Bu, "Range Rover"in alışmasına səbəb olub.

Hadisə yerinə FHN-nin əməkdaşları gəlib.

İlkin məlumatlara görə, yol-nəqliyyat hadisəsi nəticəsində VAZ-2106-da olan 3 nəfər ölüb.