Bu gün saat 11:55 radələrində Bakının Sabunçu rayonu ərazisində Heydər Əliyev prospektində Əzizbəyov metro stansiyası yaxınlığında keçən ərazidə yük maşını aşıb. Sabunçu rayon Polis İdarəsinin baş tədqiqatçısı Elçin Həmidovun ANS PRESS-ə verdiyi məlumata görə, Taleh Fərman oğlu Həmidovun idarə etdiyi “Maz” markalı, 24 BE 575 dövlət nömrə nişanlı yük maşınını aşırıb. Hadisəyə səbəb sürücünün dönmə əməliyyatın düzgün yerinə yetirməməsi olub.

Elçin Həmidovun sözlərinə görə, avtomobildə çay olub. Hadisə nəticəsində maşında olan yükün bir miqdarı yola dağılıb, sürücü isə yüngül xəsarət alıb. Hazırda problem aradan qaldırılıb və yol boşaldılıb.

Qeyd edək ki, faktla bağlı araşdırma aparılır. anspress