Bakıda piyadanın ölümü ilə nəticələnən yol-qəza hadisəsi olub. Bakı şəhər Baş Polis İdarəsindən ANS PRESS-ə verilən məlumata görə, yanvarın 19-u saat 06.00 radələrində Mehmandarov küçəsində Kürdəmir rayon sakini Taryel Əhmədov idarə etdiyi “VAZ-2104” markalı avtomobillə Culfa şəhər sakini Fəridə Əliyevanı vurub. O, dərhal Su Tikinti xəstəxanasına aparılsa da orada ölüb.

Faktla bağlı polis tərəfindən araşdırma aparılır. ANSPRESS