Bakıda yol-nəqliyyat hadisəsi baş verib. Nizami rayon Polis İdarəsinin hadisə yerinə gedən əməliyyat qurupu müstəntiqinin ANS PRESS-ə verdiyi məlumata görə, qəza Çobanzadə və Rüstəmov küçələrinin kəsişməsində, “Dan Ulduzu” restoranının yaxınlığında baş verib.

Məlumata görə, “VAZ-2106” markalı maşın “Daewoo” markalı avtomobillə toqquşub. Nəticədə hər iki maşının sürücüsü xəsarət alıb. “Daewoo”nun sürücüsünə yerində ilkin tibbi yardım göstərilsə də, “06”-nın sürücüsü xəsarətləri ağır olduğundan xəstəxanaya yerləşdirilib.

Müstəntiqin dediyinə görə, qəzaya ilkin səbəb kimi, sürücülərdən birinin işıqforun sayrışan işığını gözləməməsi olub. Hadisə anı müşahidə kamerasına düşdüyündən dəqiq səbəb lenti izlədikdən sonra məlum olacaq.

Araşdırmalar davam edir. ANSPRESS