Bakının Səbail rayonunda yol-nəqliyyat hadisəsi baş verib. ANS-in hadisə yerində olan müxbirinin məlumatına görə, hadisə bu gün Badamdar qəsəbəsində, "Qurd Qapısı" restoranının yanında baş verib.

Mərkəzdən Badamdar istiqamətində hərəkət edən 39 nömrəli "Otoyol" markalı marşrut xətt avtobusu qarşıda hərəkət edən "Subaru" markalı minik maşınına dəyib. Sərnişin daşıyan avtobus daha sonra II Fəxri Xiyabanın hasarına çırpılıb. Nəticədə xəsarət alan olmasa da, hər iki maşın deformasiyaya uğrayıb. Xiyabanın hasarı isə az məsafədə dağılıb.

Hadisənin kimin səhvi ucbatından baş verməsi aparılan araşdırmalardan sonra məlum olacaq.