Bakının Nizami rayonunda yerləşən "Lotos" Ticarət Mərkəzinin arxasındakı küçədən naməlum kişi meyiti tapılıb. Nizami rayon Polis İdarəsinin 24-cü polis bölməsindən ANS PRESS-ə verilən məlumata görə, meyit bu gün saat 12:30 radələrində aşkar edilib. Hadisə yerinə kriminalistlər yollanaraq araşdırmalara başlayıblar.

İlkin məlumata görə, kimliyi hələlik dəqiqləşdirilməyən şəxs ürək tutmasından keçinib.

Hazırda faktla bağlı araşdırmalar davam edir.