Bu gün 13 radələrində Bakının Nizami rayonu ərazisində sərnişin avtobusu birdən-birə alışıb. Şahidlərin ANS PRESS-ə verdiyi məlumata görə, hadisə "Neftçilər" metrostansiyasının qarşısında qeydə alınıb.

323 saylı xətlə hərəkət edən "İveco" markalı avtobusu qəflətən alışıb. Dərhal sürücü və sərnişinlər avtobusu tərk edib.

Fövqəladə Hallar Nazirliyindən verilən məlumata görə, avtobusda baş vermiş yanğın artıq söndürülüb. Hadisə nəticəsində xəsarət alan olmayıb.

Yanğının səbəbləri bilinmir.