Bakı şəhər Baş Polis İdarəsi saxta pul kəsən şəxsi saxlayıb. BPİ nin mətbuat xidmətindən ANS PRESS-ə verilən məlumata görə, idarə əməkdaşlarının keçirdiyi əməliyyat tədbirləri nəticəsində Kürdəmir rayon sakini, əvvəllər məhkum olunmuş Saleh Əliyevdən 1 qramdan artıq narkotik vasitə olan heroin və üzərinə baxış keçirilərkən 5 manatlıq saxta əskinas aşkar edilib. Əməliyyat tədbirləri nəticəsində onun həmin əskinası Nazir Süleymanov adlı şəxsdən əldə etdiyi müəyyənləşib. Keçirilən əməliyyat tədbirləri nəticəsində N.Süleymanov da tutulub və ondan 8 ədəd saxta 5 manatlıq əskinas tapılıb.
N.Süleymanov isə öz növbəsində əskinasları Binəqədi qəsəbəsində yaşayan əvvəllər məhkum olunmuş Seymur Yusifovdan əldə etdiyini bildirib. Təxirəsalınmaz əməliyyat tədbirləri nəticəsində S.Yusifov yaxalanıb və onun yaşadığı evdən 2 ədəd saxta 20 manatlıq əskinas və saxta əskinasların hazırlanmasında istifadə etdiyi printer, skaner, kserokopiya aparatı, xətkeş, kəsici alət və kağızlar aşkar edilib. ANSPRESS
Bakıda saxta pul kəsən tutulub
Seymur Yusifovun evindən saxta əskinasların hazırlanmasında istifadə etdiyi printer, skaner, kserokopiya aparatı və sairə tapılıb.
Şərhlər