Bu gün Nakının Binəqədi rayonu Süleyman Sani Axundov küçəsi 2 ünvanında yerləşən binanın yaxınlığından keçən qaz xəttində güclü partlayış baş verib. ANS TV-nin məlumatına görə, nəticədə yaxınlıqdakı binalarda bir neçə fərdi mənzilə ziyan dəyib. Partlayışa qaz borusunda sızmanın səbəb olduğu ehtimal edilir. Baş verə biləcək partlayışların qarşısını almaq üçün hazırda həmin ərazidəki bir neçə binaya qazın verilişi dayandırılıb.

Binəqədi qaz idarəsinin baş mühəndisi İlham Zeynalovun sözlərinə görə, onlara bu barədə məlumat təxminən saat 11:50 radələrində daxil olub.

“Xəbəri alan kimi özümüzü çatdırmışıq. Orada xətdə 3 yerdə açılma olub. Araşdırma aparılır. Səbəbi bundan sonra bilinəcək”, deyə İ. Zeynalov qeyd edib