Bakıda qardaşını bıçaqlayan şəxs tutulub. ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, Vüqar Qasımova bıçaqla xəsarət yetirib hadisə yerindən qaçan Bakı şəhər sakini Xəzər Qasımov tutulub.

Belə ki, qardaşını bıçaqlayan Xəzər Qasımov Xətai Rayon Polis İdarəsi 37-ci polis bölməsinin əməkdaşlarının həyata keçirdikləri əməliyyat-axtarış tədbirləri nəticəsində yaxalanıb. O, dekabrın 20-də Vüsal Rüfullayevə və qardaşı Vüqara bıçaqla xəsarət yetirib hadisə yerindən qaçmışdı.