Bakıda narkotik satışı ilə məşğul olan qadınlar saxlanılıb. Bakı Şəhər Baş Polis İdarəsindən ANS PRESS-ə verilən məlumata görə, Narkotiklərlə Mübarizə İdarəsinin əməkdaşlarının keçirdikləri əməliyyat nəticəsində Bakı sakini Coşqun Nəsirovdan 3,387 qram narkotik vasitə olan heroin aşkar olunaraq götürülüb.

Keçirilən əməliyyat tədbirləri nəticəsində narkotik vasitəni ona satan Zabitə Əsgərova da yaxalanıb. Təxirəsalınmaz əməliyyat tədbirləri davam etdirilərək narkotik vasitəni Z.Əsgərovaya satan Arzu Əsgərova da ələ keçib. Onun Parlament prospektindəki mənzilinə baxış keçirilərkən 325,783 qram narkotik vasitə olan heroin, elektron ölçü cihazı və digər vasitələr aşkarlanaraq maddi sübut kimi götürülüb.

Faktla bağlı araşdırmalar davam edir.