Binqədi rayonunda mağazaya silahlı basqın olub. Rayon Polis İdarəsindən ANS PRESS-ə verilən məlumata görə, hadisə gecə saat 01.20 radələrində, Novxanı bağlar massivində qeydə alınıb.

İki maska taxan naməlum şəxs orada "Murad" marketə girərək Sumqayıt şəhər sakini, 33 yaşlı Emin Babaş oğlu Turabova pnevmatik silahdan atəş açıb. Nəticədə dükan işlədən sahibkar sol qolundan yüngül yaralanıb.

Hadisə barədə polisə məlumat daxil olan kimi əməliyyat qrupu yaradılıb. Hazırda polis hadisəni törədən şəxslərin müəyyən edilərək tutulması istiqamətində əməliyyat-axtarış tədbirlərini davam etdirir.

Basqınçılar mağazadan heçnə aparmayıblar.