Bakının Heydər Əliyev prospektində ölümlə nəticələnən yol qəzası baş verib. Daxili İşlər Nazirliyinin mətbuat xidmətindən ANS PRESS-ə verilən məlumata görə, iyulun 16-da saat 01.05 radələrində Nizami rayonu H. Əliyev prospektindəki qorunmayan keçiddə Bakı şəhər sakini Qəzənfər Həsənov idarə etdiyi "VAZ-2106" markalı avtomaşını "Azərsun Holding"ə məxsus yük qatarına vurub.

Nəticədə Q. Həsənov hadisə yerində ölüb. Maşında olan sərnişinlər - Bakı şəhər sakinləri Tural Abdullayev, Elxan Əlibəyov və İlqar Dadaşov isə müxtəlif dərəcəli xəsarətlər alıblar. Yaralılar xəstəxanaya yerləşdirilərək həkim nəzarətinə veriliblər.

Faktla bağlı Nizami rayon Polis İdarəsi tərəfindən araşdırma aparılır. hadisənin səbəbi araşdırmalardan sonra məlum olacaq.anspress