Bakıda maşın avtokrana çırpılıb

Səngəçalda ölümlə nəticələnən yol qəzası baş verib. Daxili İşlər Nazirliyinin mətbuat xidmətinin məlumataına görə, hadisə ötən gün
Qaradağ rayonu Səngəçal qəsəbəsində qeydə alınıb. Belə ki, Gəncə şəhər sakini Ziya Əliyev idarə etdiyi "VAZ-21013" markalı avtomaşını qarşıda gedən Ağstafa rayon sakini Eyyub Əsgərovun idarə etdiyi "MAZ" markalı avtokrana vurub. Nəticədə xəsarət almış Z.Əliyev və sərnişini Bakı şəhər sakini Nurəddin Hacıyev xəstəxanaya yerləşdiriliblər. Lakin N.Hacıyev orada ölüb.
Faktla bağlı DİN BDYPİ tərəfindən araşdırma aparılır. ANSPRESS