Fevralın 13-nə keçən gecə Bakıda qətl hadisəsi baş verib. Binəqədi rayon Prokurorluğundan lent.az-a verilən məlumata görə, saat 02.00 radələrində Xocahəsən qəsəbəsi, Yeni yol küçəsi, 16 ünvanında kirayə yaşayan Cəlilabad rayon sakini, 1979-cu il təvəllüdlü Müşfiq Bəxtiyar oğlu Babayev otaq yoldaşı, Şamaxı rayon Göylər kənd sakini 1980-ci il təvəllüdlü Mikayılov Xosrov Dostalı oğlunu bıçaqlayıb. Çoxsaylı bıçaq zərbəsi almış X.Mikayılov dünyasını dəyişib.

M.Babayev də xəsarət alıb və xəstəxanaya yerləşdirilib.

Faktla əlaqədar Cinayət Məcəlləsinin 120.1-ci (qəsdən adam öldürmə) maddəsi ilə iş başlanılıb, araşdırma aparılır.