Bakıda iki maşının toqquşması ilə nəticələnən yol-qəza hadisəsi baş verib. Bakı şəhər Baş Polis İdarəsindən ANS PRESS-ə verilən məlumata görə, hadisə aprelin 8-i saat 01:30 radələrində Binəqədi şosesində qeydə alınıb.

Pərviz Qurbanovun idarə etdiyi “BMW” markalı avtomobillə Famil Şükürovun idarə etdiyi “Tavriya” markalı avtomobil toqquşub. Nəticədə F.Şükürov hadisə yerində ölüb, “BMW” markalı avtomobilin sərnişini Ruslan İsfəndiyarov isə Kliniki Tibbi Mərkəzə yerləşdirilib.

Hadisənin kimin səhvi ucbatından baş verdiyi aparılan araşdırmalardan sonra məlum olacaq.