Ötən gecə Bakının Nizami rayonu ərazisində yol nəqliyyat hadisəsi baş verib. Qəza, Elşən Süeymanov küçəsi ilə hərəkət edən “BMW” sürücüsünün idarəetməni itirərək qarşı yoldan gələn “KIA Serato” markalı avtomaşınla toqquşması nəticəsində baş verib. Törətdiyi qəzaya əhəmiyyət verməyərək Bəhruz Nuriyev küçəsi istiqamətində yoluna davam edən “BMW” təxminən 300 metr uzaqlaşdıqdan sonra yolun kənarında daş hasara çırpılaraq dayanıb. Qəza nəticəsində xəsarət alan olmasa da hər iki avtomobilə ciddi ziyan dəyib.

Dərhal hadisə yerinə Nizami rayon DYPŞ əməkdaşları gəlib. Müfəttiş Əli Əliyev qəzanın “BMW”-nin yüksək sürətlə hərəkət edərək digər avtomobilin yoluna çıxması nəticəsində baş verdiyini bildirib. Faktla bağlı C.M. müvafiq maddələri ilə cinayət işi açılıb.