Ötən axşam Bakının Nizami rayonu metronun Neftçilər stansiyası yaxınlığında 22 yaşlı gənc bıçaqlanıb. Ətrafda olan şəxslər tərəfindən müəyyən edilərək xəstəxanaya gətirilən yaralının hələlik sadəcə adının Müşfiq olduğu bilinir. Onun vəziyyəti ağır olduğundan Nizami rayon polis idarəsinin istintaqçıları hadisə barədə bir məlumat əldə edə bilməyiblər.

Xəstəxanaya daxil olan zaman isə Müşfiqin döş qəfəsinin sol nahiyəsində üç bıçaq yarası aşkar olunub. Həmin yaralardan ikisi isə daxilə nüfuz edib. Yaralı dərhal cərrahi əməliyyat olunub və hazırda xəstəxananın reanimasiya şöbəsində müalicəsi davam etdirilir. Hazırda Nizami polisi hadisənin hansı şəraitdə və kim tərəfindən törədilməsini araşdırır. Faktla bağlı cinayət işi başlanılıb.