Bu gecə Bakıda oğurluq etmək istəyən şəxs iş başında tutulub. Nizami rayon Polis İdarəsindən lent.az-a verilən məlumata görə, Nizami rayon ATS-nin qarşısında quraşdırılan Beynəlxalq Banka məxsus bankomatı xüsusi alətlə kəsən İqor Siyavuşoviç İbrahimov iş başında tutulub.

Məlumata görə, İ.İbrahimovun doğradığı bankomat Nizami RPİ-nin inzibati binasının yaxınlığında yerləşir. Məlumat daxil olan kimi polis dərhal ərazini əhatəyə alıb və külli miqdarda pul aparmaq istəyən şəxs tutulub.

Qeyd edək ki, faktla əlaqədar araşdırmalar davam etdirilir.