Bakıda azyaşlı uşağın ölməsi ilə nəticələnən yol nəqliyyat hadisəsi baş verib. Bakı şəhər Baş Polis İdarəsindən ANS PRESS-ə verilən məlumata görə, hadisə yanvarın 6-sı axşam saat 17:20 radələrində K.Rəhimov küçəsi 53-ün qarşısında qeydə alınıb.
Zaur Əliyev idarə etdiyi “Mercedes” markalı avtomobillə Gülabatın Əliyevanı və onun 3 yaşlı oğlu Sevlan Sadıqovu vurub.
Hər iki zərərçəkmiş təcili olaraq Kliniki Tibbi Mərkəzə yerləşdirilsə də, S.Sadıqov aldığı xəsarətlər ağır olduğundan xəstəxanada ölüb.

Faktla bağlı araşdırma aparılır.