Xəzər rayonu Binə qəsəbəsində 2 mərtəbəli ev yanır. Fövqəlada Hallar Nazirliyinin mətbuat xidmətindən ANS PRESS-ə verilən məlumata görə, yanğın bu gün saat 12:50 radələrində Binə qəsəbəsinin Bolluq deyilən ərazisində 2 mərtəbəli evdə baş verib. Adi çağırışla hadisə yerinə 6 yanğınsöndürən maşın cəlb olunub. Havanın şaxtalı və suyun donması yanğının söndürülməsində böyük çətinliklər yaradıb. Havanın küləkli olması alovu daha da şiddətləndirir.

Qeyd edək ki, xoşbəxtlikdən yanğın nəticəsində xəsarət alan yoxdur. Hazırda yanğının söndürülməsi istiqamətində işlər davam etdirilir.