Bakı şəhəri, Binəqədi rayonunda 16 mərtəbəli yaşayış binasında yanğın olub. ANS PRESS-in Fövqəladə Hallar Nazirliyinin rəsmi saytına istinadla verdiyi məlumata görə, yanğın nəticəsində yaşayış binasının 15-ci mərtəbəsində vətəndaşa məxsus ümumi sahəsi 77 kv.m olan 3 otaqlı mənzildə 12 kv.m sahədə əşyalar yanıb. Yüksək temperaturdan mətbəxin lambrindən ibarət tavanının yanar konstruksiyaları 9 kv.m sahədə əriyib.

Hadisə yerinə cəlb edilmiş yanğınsöndürənlər tərəfindən 30 nəfər təxliyyə edilib, mənzilin qalan hissəsi yanğından mühafizə olunub.