Bakı şəhəri Suraxanı rayonu ərazisində Zığ yolunun yaxınlığında Xəzər dənizində kiçik ölçülü balıqçı gəmilərinin birində partlayış baş verib və daha sonra yanğın olub. Bu barədə ANS PRESS-ə hadisə şahidləri məlumat verib. Şahidlərin sözlərinə görə, yanğın gəminin PTS qurğusunda partlayışın baş verməsindən sonra baş verib.

Dövlət Yanğından Mühafizə Xidmətindən ANS PRESS-ə verilən məlumata görə, hadisə bu gün saat 13:30 radələrində baş verib. Artıq yanğın söndürülüb.

Hadisənin nə səbəbdən baş verməsi araşdırılır. Hadisə nəticəsində xəsarət alan barədə məlumat verilmir.