Gecə Bakı-Quba yolunun 15-ci kilometrliyində Vüqar Abıyevə məxsus “Mercedes” markalı avtomobil hərəkət etdiyi zaman qəfildən yanmağa başlayıb. Avtomobilin alovlandığını görən sürücü maşını saxlamağa və nəqliyyat vasitəsini tərk etməyə macal tapa bilib. Görülən tədbirlər nəticəsində dövlət yanğından mühafizə hissəsinin əməkdaşları alovun qarşısını alaraq yanğının maşının yanacaq çəninə keçməsinə imkan verməyiblər. Buna baxmayaraq yanan maşın tamamilə yararsız vəziyyətə düşüb.

Qeyd edək ki, sürücü hadisədən sonra yanğının baş verdiyi ərazini tərk etdiyi üçün maşının hansı səbəbdən yanmasını dəqiqləşdirmək mümkün olmayıb. “Mersedes”in texniki nasazlıq nəticəsində və ya hansısa başqa səbəblərdən yandığı araşdırmalardan sonra məlum olacaq.