Bakının Qaradağ rayonu ərazisində ağır yol qəzası baş verib. Baş Dövlət Yol Polisi İdarəsindən verilən məlumata görə, avtoqəza Bakı-Qazax yolunun 40-cı kilometrliyində qeydə alınıb.

10 EC 505 dövlət nömrə nişanlı “Opel” markalı və 42 BC 421 dövlət nömrə nişanlı “KamAZ” markalı yük maşınları toqquşub. Nəticədə “Opel”də olan 54 yaşlı Xuraman Cəbrayılova, 40 yaşlı Hüseyn Hüseynov və 47 yaşlı Şadman İmanov ağır bədən xəsarətləri alıblar. Yaralılar 1 saylı şəhər xəstəxanasına yerləşdirliblər.
Qəzaya ötmə əməliyyatının düzgün həyata keçirilməməsi səbəb olub.

Faktla bağlı araşdırma aparılır.