Bu gün Bakı-Qazax yolunda ağır yol-nəqliyyat hadisəsi baş verib. Baş Dövlət Yol Polisi İdarəsinin hadisə yerində olan müstəntiqinin ANS PRESS-ə verdiyi məlumata görə, hadisə 17.00 radələrində Hacıqabul rayonu ərazisində qeydə alınıb.

“Ford” markalı mikroavtobus yoldan çıxaraq aşıb. İlkin məlumata görə, qəza nəticəsində iki nəfər ölüb, bir neçə nəfər isə yaralanıb. Hazırda ölən və yaralananların adları dəqiqləşdirilir.

Hadisənin səbəbi aparılan araşdırmalardan sonra bilinəcək.