Bu gün Bakı-Qazax yolunda dəhşətli yol qəzası baş verib. Təxminən 19.00 radələrində «VAZ-21011» markalı avtomobil yolun 87-ci kilometrliyində, Hacıqabul rayonunun ərazisində yolun ortasındakı beton dirəyə çırpılıb.

Baş Dövlət Yol Polisi İdarəsinin müstəntiqi Anar İmanquliyevin verdiyi məlumata görə, nəticədə avtomobilin sürücüsü, 1939-cu il təvəllüdlü Səfixanov Telman Qəhrəman oğlu, sərnişinlər – Qubadlı sakini, 1976-cı il təvəllüdlü Əliyeva Ruhiyyə Akif qızı, Sumqayıt sakini, 1963-cü il təvəllüdlü Rəhimli Sadiq Əkbər oğlu, Sumqayıt sakini 1999-cu il təvəllüdlü Rəhimli Cavid Sadiq oğlu həlak olub.

Daha bir sərnişin, 1977-ci il təvəllüdlü Rəhimova Validə Qərib qızı isə yaralı halda Şirvan şəhər mərkəzi xəstəxanasının reanimasiya şöbəsinə yerləşdirilib. ANSPRESS