Bakı-Qazax sərnişin avtobusu RAF-la toqquşub
09 Fevral 2011 Çərşənbə 16:05
“RAF”ın sürücüsü hadisə yerində ölüb
Bakı-Qazax yolunda ölümlə nəticələnən yol-nəqliyyat hadisəsi baş verib. Hadisə şahidlərinin ANS PRESS-ə verdiyi məlumata görə, hadisə bu gün saat 14.30 radələrində yolun Kürdəmir rayonunun Muğanlı kəndindən keçən hissəsində baş verib.

Bakı-Qazax istiqamətinə hərəkət edən “Daewoo” markalı iri tutumlu 10-TS-991 dövlət nömrə nişanlı avtobus 10-GY-685 dövlət nömrə nişanlı RAF markalı maşınla toqquşub. Qəza nəticəsində RAF-ın sürücüsü hadisə yerində ölüb. Hadisə zamanı başqa xəsarət alan olmayıb. “Daewoo” markalı avtobusun sərnişinləri başqa maşınla mənzillərinə yola salınıb.

Hazırda hadisə yerində polis ilkin araşdırmalar aparır.


DOSTLARINLA PAYLAŞ:

oyunlar