Paytaxtın Nəsimi rayonunda yerləşən Bakı Metropoliteninin "20 Yanvar" stansiyasında partlayıcı qurğu yerləşdirilməsi barədə Fövqəladə Hallar Nazirliyinə məlumat daxil olub. Nazirliyin rəsmi internet səhifəsində yer alan xəbərə görə, nazirliyin müvafiq xilasetmə qüvvələri dərhal axtarış-xilasetmə tədbirlərinin görülməsi üçün hadisə yerinə cəlb edilib və aidiyyəti qurumlar məlumatlandırılıb. Xilasedicilər və hadisə yerində olan hüquq-mühafizə orqanlarının mütəxəssislərinin apardıqları birgə axtarış işləri nəticəsində həmin stansiyada və yaxınlıqda şübhəli əşya aşkar edilməyib. Əməliyyat saat 20:10-da başa çatıb.

Digər anoloji hadisə metronun Nəriman Nərimanov adına stansiysında qeydə alınıb. Nazirliyə bu stansiyada da partlayıcı qurğu yerləşdirilməsi barədə məlumat daxil olub. Dərhal nazirliyin müvafiq xilasetmə qüvvələri axtarış-xilasetmə tədbirlərinin görülməsi üçün hadisə yerinə cəlb edilib və aidiyyəti qurumlar məlumatlandırılıb. Xilasedicilər və hadisə yerində olan hüquq-mühafizə orqanlarının mütəxəssislərinin apardıqları birgə axtarış işləri nəticəsində həmin stansiyada və yaxınlıqda şübhəli əşya aşkar edilməyib. Əməliyyatı saat 21:10-da başa çatıb.