Saatlı sakini traktor təkərinin partlamasından ölüb. Bu barədə APA-ya Saatlı rayon polis şöbəsinin növbətçi hissəsindən məlumat daxil olub.Məlumatda bildirilir ki, Saatlı rayonunun Şirinbəy kənd sakini 1982-ci il təvəllüdlü Abuzərov İsmayıl Mühiddin oğlu yaşadığı həyətyanı sahəsində, özünə məxsus “Belarus” markalı traktorun qoşqusunun təkərinə yerdə hava vurarkən təkərin halqası çıxaraq onun başına dəyib. Nəticədə o, ağır-kəllə beyin travması alaraq xəstəxanaya çatdırılarkən dünyasını dəyişib.

Faktla bağlı Saatlı rayon polis şöbəsində araşdırma aparılır.