Aran-Mingəçevir yolunda avtomobil aşıb, 3 hərbçi xəsarət alıb. Məlumata görə, hadisə ötən gün yolun 8-ci kilometrliyində qeydə alınıb. Yevlax rayonundakı “N” saylı hərbi hissənin baş leytenantı, 1985-ci il təvəllüdlü Əliyev Rüfət Həsən oğlunun idarə etdiyi “Mercedes-180” markalı minik avtomobili yoldan çıxaraq aşıb. Hadisə nəticəsində sürücü Rüfət Əliyev və onun hərbçi yoldaşları - 1982-ci il təvəllüdlü Bədəlov İsmayıl Əliyar oğlu və 1986-cı il təvəllüdlü Fərzəliyev Səxavət Süleyman oğlu müxtəlif dərəcəli bədən xəsarətləri alıblar.

Yaralılar Mingəçevir Mərkəzi Şəhər Xəstəxanasına yerləşdiriliblər.

Faktla bağlı hərbi polis tərəfindən araşdırma aparılır. ANSPRESS