İmişli. Əlibәy Zeynallı-APA. İmişli polisi kriminal aləmdə ad çıxarmış şəxsin üzərində narkotik vasitə olan metadon aşkar edib. Bu barədə APA-nın Mil-Muğan bürosuna İmişli rayon polis şöbəsindən məlumat verilib. Keçirilmiş əməliyyat tədbiri nəticəsində rayon sakini, 1964-cü il təvəllüdlü, SSRİ idman ustası, kriminal aləmdə “Jora” ləqəbi ilə tanınan Şükürov İlham Mustafa oğlu saxlanılıb və üzərinə baxış keçirilən zaman narkotik vasitə olan metadon aşkar edilib. Onun barəsində həbs-qəti imkan tədbiri seçilib. Faktla bağlı İmişli rayon Polis Şöbəsində cinayət işi başlanıb, araşdırma aparılır.