Kənd bələdiyyəsinin sədri Samir Əhmədov APA-ya bildirib ki, hadisə bu gün saat 15:30 radələrində kənd sakini Yaqubov Bulud Həsrət oğluna məxsus ikimərtəbəli fərdi yaşayış evində baş verib. Hazırda yanğın davam edir və alovun qarşısının alınması üçün əraziyə 3 yanğınsöndürən maşın və canlı qüvvə cəlb edilib. Ev sahibinin oğlu 1981-ci il təvəllüdlü Yaqubov Raufun iki azyaşlı övladı hazırda yanğın baş verən evin içərisində qalıb və onların xilas edilməsi üçün tədbirlər görülür. APA