Yevlax rayonunda tükürpədici ölüm hadisəsi baş verib. Daxili İşlər Nazirliyinin mətbuat xidmətindən verilən məlumata görə, hadisə aprelin 14-də Yevlax rayonunun Ərəş kəndi ərazisindəki "Azər-Aqro" MMC-də qeydə alınıb.

Həmin şirkətə məxsus üzüm bağlarında gözətçi işləyən kənd sakini Ramiz Şirinovun sağ qolu su mühərrikinin kardan valına ilişib.

Nəticədə gözətçinin qolu kəsilərək yerə düşüb. O, yaxınlıqdakı adamların köməyi ilə xəstəxanaya aparılsa da, xəstəxanaya çatmamış yoldaca keçinib.