Ötən gecə Bakının Nərimanov rayonunda yol-nəqliyyat hafisəsi baş verib. Qəza Azadlıq və Ziya Bünyadov prospektlərinin kəsişməsində, yol ötürücüsünün altında baş verib. Sürücü Əsədov Nizaməddin Nəsir oğlunun Əzizbəyov dairəsi istiqamətində idarə etdiyi “VAZ-21099” markalı minik maşını Əlizadə Rafael Hümbət oğlunun Binəqədi qəsəbəsindən Azadlıq prospekti istiqamətində idarə etdiyi “Mercedes” markalı digər avtomobili vurub. Qəza nəticəsində “Mercedes”in sürücüsü Rafael Əlizadə yüngül dərəcəli xəsarət alıb. Ona ilk yardım hadisə yerində, əraziyə cəlb olunmuş təcili tibbi yardım heyəti tərəfindən göstərilib. Digər sürücü isə qəzadan xəsarətsiz ötüşüb.

Qəzanın dəqiq səbəblərinin araşdırılması istiqamətində Nərimanov RPİ və DYPŞ-nin araşdırmaları davam edir. İlkin ehtimallara görə, qəza “VAZ-21099” markalı minik maşınının səhvi ucbatından meydana gəlib.