ABŞ-da baş verən Ayrin qasırğası Azərbaycan-Amerika Cəmiyyətinin (AAC) binasına ciddi zərər vurub. ANS PRESS-in türk mətbuatına istinadla verdiyi məlumata görə, qasırğa başlayanda yollar su altında qaldığı üçün işçilər Nyu Cersidə yerləşən təşkilatın binasına gedə bilməyiblər.



Cəmiyyətin rəhbəri Tomris Azərinin sözlərinə görə, o, bu səhər AAC-nin binasına gedə bilib və qarşılaşdığı mənzərə qarşısında göz yaşlarını saxlaya bilməyib. T.Azəri binaya dəyən maddi ziyanın böyük olduğunu deyib.

"Binanı keçmiş vəziyyətinə qaytarmaq üçün əlimdən gələni edəcəyəm. Divardakı Azərbaycan bayrağı dövlətimizi heç kim tanımayanda belə orada idi, bundan sonra da daima orada qalacaq".