Sumqayıtda avtomaşınlardan oğurluq etmiş bir qrup şəxs ifşa olunaraq tutulub. ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, Sumqayıt Şəhər Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində oktyabrın 30-da Türkiyə vətəndaşı Hasan Rehberə məxsus “VAZ-2104” avtomaşından sənədlərini, habelə maqnitofonu sökərək oğurlayan şəhər sakinləri Təbriz Həsənov, Fərrux Rzayev, Abşeron rayon sakini Zülfü Həsənov və Gəncə şəhər sakini Sevda Abdulrəhmanova tutulublar.

Aparılmış əməliyyat tədbirləri nəticəsində onların müxtəlif vaxtlarda İlham Orucova, İltizam Hidayətova, Pərviz Bayramova, Sahil İsmayılova, Əsgər Rəhimova, Mirağa Qafarova, Zabil Cavadova, Famil Hüseynova, Kamal Ləliyevə, Vaqif Qafarova, Şahbala Kərimova, Amil Umudova, Sərməs Bayramova, Mərdan Məmmədova, Tural İsgəndərova, Maksim Salmanova məxsus avtomaşınlardan oğurluq etmələri məlum olub.

Qeyd edək ki, avtomobil qənimləri Sumqayıt şəhər Qaz İstismar İdarəsinə məxsus avtomaşınları da taladıqları aşkar edilib.