Aralıq dənizində miqrantları daşıyan gəmi qəzaya uğrayıb. Tunis rəsmi xəbər agentliyi “TAP”-ın yaydığı məlumata görə, Tunis sahil təhlükəsizlik qüvvələrinin əməkdaşları batan gəmidən 570 nəfəri xilas edib. Təlaşa düşərək gəmini tərk etməyə çalışan 200 ilə 270 nəfər arasında miqrant isə itkin düşüb. İtkin düşənlərin boğularaq öldüyü güman olunur. “TAP” gəminin qeyri-qanuni yollarla Avropaya miqrant apardığını bildirib.