Bakının Binəqədi rayonu ərazisində, Novxanı bağlar yaşayış sahəsində fəaliyyət göstərən “Aqua-Park” istirahət-əyləncə mərkəzində bədbəxt hadisə baş verib. İstirahət mərkəzinin hamam otağının təmiri ilə məşğul olan usta divarın uçması nəticəsində dünyasını dəyişib.

Bədbəxt hadisə Gürcüstan vətəndaşı olan Nail Daşdəmirov divarı çapmaqla, əks istiqamətə boru keçirmək istəyərkən baş verib. Üzərinə divarın uçması nəticəsində ağır bədən xəsarətləri almış Daşdəmirov elə yerindəcə keçinib.

Hadisə yerinə Binəqədi rayon hüquq-mühafizə orqanlarının əməkdaşları cəlb olunub. Faktı Binəqədi prokurorluğu araşdırır.

Bədbəxt hadisənin daha dəqiq səbəblərinin müəyyən edilməsi istiqamətində müvafiq yoxlama araşdırmaları aparılır.