Türkiyənin İqdır vilayətində fəaliyyət göstərən Əsassız Erməni İddiaları ilə Mübarizə Dərnəyi Azərbaycanın bir neçə qeyri-hökumət təşkilatı ilə əməkdaşlığa dair protokol imzalayacaq. Bunu Bakıda səfərdə olan təşkilatın idarə heyətinin sədri Göksel Gülbey deyib.

Erməni yalanları ilə mübarizədə güclərini birləşdirməyə çalışdıqlarını söyləyən Göksel Gülbey Azərbaycana səfəri çərçivəsində “4 H hərəkatı”na da start verəcəklərini bildirib. Gülbey aprelin 24-də İranda ermənilərin uydurma “soyqırım” tədbirləri keçirməsinin qarşısını almaq məqsədilə fəaliyyətə başladıqlarını açıqlayıb.

Aprelin 24-də Osmanlı dövləti ərazisində bir erməninin belə qətlə yetirilmədiyini bildirən Göksel Gülbey bunu arxiv materiallarının da sübut etdiyini və ermənilərin bəhs etdiyi köçürülmə hadisəsinin bu tarixə təsadüf etmədiyini deyib.