Ağstafa rayonunda elektrovoz dəmir yolunu keçən qadını burub. ANS TV-nin məlumatına görə, hadisə rayonun Saloğlu dəmiryolu stansiyası ərazisində baş verib. Böyükkəsik dəmiryolu istiqamətindən Ağstafa dəmiryolu istiqamətində hərəkət edən elektrovoz dəmiryolu xəttini keçmək istəyən Saloğlu qəsəbə sakini 40 yaşlı Afət Qənbər qızı Paşayevanı vurub.

Afət Paşayeva yaxınlıqdakı nişan mərasimindən evinə qayıdırmış. Saloğlu stansiyasında, dayanmış vəziyyətdə olan elektrik qatarının qarşısından keçən A.Paşayeva həmin vaxt ikinci xətdə hərəkətdə olan 1572 saylı elektrovozun yaxınlaşmasından xəbərsiz olub. Nəticədə elektrovozun dəmir lövhəsinə tuş gəlib. Alnından xəsarət alan yaralı dərhal qohumları tərəfindən Ağstafa rayon Mərkəzi Xəstəxanasına aparılıb.